ဝင်းမြတ်
မတ် ၁၀၊ ၂၀၀၉
မော်လမြိုင်မြို့ လျှပ်စစ်ရုံးအား လွန်ခဲ့သောစနေနေ့က ၁၀ တန်းေ ကျာင်သားများ ခဲဖြင့်ပေါက်သောကြောင့် ချက်ချင်း လျှပ်စစ်မီး ရရှိခဲ့ပြီး တနင်္လာနေ့က လျှပ်စစ်မီး ပြန်လည် ပြတ်တောက်သွားပြီ ဖြစ်သည်။ ပြီးခဲ့သောစနေနေ့ မတ် ၇ ရက်က ၁၀တန်းကျောင်းသား သုံးဦးက စာမေးပွဲ နီးနေသဖြင့် စာကျက်ရန်အတွက် လျှပ်စစ်မီးမလာကြောင်း မြို့နယ် ရဲစခန်းကို သွားရောက်ပြောရာ ရဲစခန်းက ၄င်းတို့နှင့်မဆိုင်ဘဲ လျှပ်စစ်ရုံးနှင့်သာ ဆိုင်ကြောင်း ပြန်လည် ပြောကြားခဲ့သည်။
ည ၁၀ နာရီခွဲခန့်တွင် မြို့နယ်လျှပ်စစ်ရုံး (မော်လမြိုင်အခေါ် ပြည်တော်သာမီးစက်ရုံး) ကို ကျောင်းသားများ မောင်းနှင်လာသော ဆိုင်ကယ် အစီး ၃၀ မှ ၄၀ ခန့် စီးနင်းဝိုင်းရံပြီး လျှပ်စစ်မီးရရှိရန် ပြောဆိုကာ ခဲဖြင့်ပေါက်ခဲ့ကြသည်ဟု လျှပ်စစ်ရုံး အနီးနေထိုင်သူ မော်လမြိုင်မြို့ခံ အမျိုးသားတစ်ဦးက ပြောသည်။
“ခဲနဲ့ပေါက်ပြီး မီးပြန်လာတယ်။ တနင်္ဂနွေတစ်နေ့လုံးလည်း လာတယ်။ တနင်္လာနေ့ကစပြီး ပြန်ပြတ်သွားပြီ” ဟု ၄င်းကပြောသည်။
မော်လမြိုင်မြို့တွင် လျှပ်စစ်မီး ပုံမှန် မရရှိသည်မှာ ကြာပြီဖြစ်ပြီး ၁၀ ရက်ဝန်းကျင်ခန့်မှ လျှပ်စစ်မီး တကြိမ် လောက်သာရကြောင်းနှင့် မီးလာသည့် အချိန်တွင်လည်း သုံးလေးနာရီခန့်သာ လာလေ့ရှိကြောင်း သိရသည်။ လျှပ်စစ်မီး ပြတ်တောက်ချိန် ကြာမြင့်သောကြောင့် အင်ဗာတာအားသွင်းရန်အတွက်ပါ အခက်အခဲဖြစ်ကြသည်။ အင်ဗာတာ သုံးရန်အတွက် ဘက်ထရီအိုး အားသွင်းလျှင် တထောင်ကျပ် ပေးရသည်။
မတ်လ ၁၁ ရက် ဗုဒ္ဓဟူးနေ့တွင် ၁၀ တန်းစာမေးပွဲများ စတင်မည်ဖြစ်သည်။
No comments:
Post a Comment