ရန်ကုန်အရှေ့ပိုင်း တက္ကသိုလ်တွင် လျှပ်စစ်ဝါယာကြိုးရှော့ခ်ဖြစ် ကျောင်းသူအချို့ ဒဏ်ရာရရှိ

ရန်ကုန်အရှေ့ပိုင်းတကသိုလ် တညင်တွင် (5-7-200 ) နေ့ နေ့လယ် (23း0) အချိန်က လျှပ်စစ်ဝါယာကြိုးရှော့ခ်ဖြစ်ကာ အဆောင်များ အတွင်း ပေါက်ကွဲမှုအချို့ရှိခဲ့ကာ ကျောင်းသူအချို့လည်း ထိခိုက်ဒဏ်ရာရရှိသွားကြောင်းသိရသည်။
ဝါယာရှော့ခ်ဖြစ်ပုံနှင့်ပတ်သက်ပြီး ဆရာမတစ်ဦးမှ MHT သို့ဆိုရာတွင် "နေ့လယ် (2း15) လောက်မှာ မီးပျက်သွားတယ်။ နောက်မီးပြန် လာပြီး သိပ်မကြာဘူး။ ဖောင်းဖောင်းဆိုပြီး အခန်းထဲမှာရှိတဲ့ မီးသီးတွေ၊ ဖန်ချောင်းတွေ အကုန်ကွဲထွက်ကုန်တယ်။ နောက်ပြီးတော့ အဆောင်ထဲက ရရှိသမျှ ၀ါယာကြိုးအကုန်လုံးလည်း ပေါက်ထွက်ကုန်တယ်။ စာသင်နေကြတဲ့အချိန်ဆိုတော့ ကျောင်းသူကျောင်းသား တွေနဲ့ ဆရာ၊ ဆရာမတွေလည်း ကြောက်အားလန့်အားနဲ့ ထွက်ပြေးကြတယ်။ အပြင်ရောက်တော့လည်း လျှပ်စစ် ဓာတ်တိုင်တွေက ဓာတ် ကြိုးတွေ ပေါက်ထွက်နေတယ်။ မီးလုံးတွေထွက်တာတောင် ကျွန်မမြင်လိုက်ရတယ်။ အဆောင်အပေါ်ကနေ တစ်ချို့ကျောင်းသူတွေ ခုန်ချတော့ ခြေထောက်ကြိုးသွားတာရှိတယ်လို့ တောင် သိရတယ်။" ဟု သူမရဲ့ အတွေ့အကြုံကိုပြောပါတယ်။ လျှပ်စစ်ဝါယာရှော့ခ်ကြောင့် တက္ကသိုလ်အတွင်းရှိ စာသင်ဆောင်လေးဆောင်အတွင်းမှ လျှပ်စစ်ဝါယာကြိုးလိုင်းအားလုံးပျက်ဆီးသွားပြီး လျှပ်စစ် ပစ္စည်းများ ဖြစ်သည့် ကွန်ပျူတာ၊ ပရင်တာနှင့် အခြားအသုံးအဆောင်ပစည်းများလည်း ပျက်ဆီးဆုံးရှုံးသွားကြောင်း သိရသည်။ ယခုလို လျှပ်စစ်ဝါယာကြိုးရှော့ခ်မှာ နာဂစ်ဆိုက်ကလုန်းမုန်အတွင်းက ပျက်ဆီးသွားခဲ့သော ကျောင်းဝင်းအတွင်းရှိ ဓာတ်တိုင်များ ပြင် ဆင်ပြီး မကြာမီတွင်ဖြစ်ပွားခဲ့ခြင်းဖြစ်ပြီး ထိုလျှပ်စစ်ဓာတ်တိုင်များ ပြင်ဆင်ရန်အတွက် ကျောင်းရံပုံမှ ငွေကျပ်သိန်းခြောက်ဆယ်ကျော် အကုန်အကျခံ ပြင်ဆင်ခဲ့ပြီး တစ်လကျော်တွင် ဖြစ်ပွားခဲ့ခြင်းဖြစ်ကြောင်းသိရသည်။ ထိုကိစနှင့်ပတ်သက်ပြီး အရှေ့ပိုင်းတကသိုလ်ရှိ ပါမောက္ခချုပ်၊ မော်ကွန်းထိန်းများနှင့် ဒေသခံ လျှပ်စစ်ဖြန့်ဖြူးရေးရုံးများသို့ ဆက်သွယ်မေးမြန်းရာတွင်လည်း မည်သည့် သတင်း ထုတ်ပြန်ချက်မှ မသိရှိရပေ။ ထို့ကြောင့် ကျောင်းသူကျောင်းသားများနှင့် ဆရာ၊ ဆရာမများ၏ ပြောကြား ချက်များဖြင့်သာ ဆက်လက်ပြီး သတင်းရေးသားသွားမည်ဖြစ်သည်။